Бу Ukraine Facility ёрдам фондидан ажратилган 50 миллиард евролик умумий пакет доирасидаги учинчи тўлов ҳисобланади. Ушбу дастур бир йилдан бери амал қилиб келмоқда ва шу вақт ичида ундан Киевга 19,6 миллиард евролик грант ва кредитлар шаклида маблағ ажратилди.
Брюссел ушбу молиялаштириш Украинанинг макроиқтисодий барқарорлигини мустаҳкамлашга, давлат бошқарувини қўллаб-қувватлашга ва муҳим узоқ муддатли ислоҳотларни илгари суришга ёрдам беради, деб ҳисоблайди.
Еврокомиссия ўз баёнотида Киев янги тўловни олиш учун керакли шартларни бажарганини таъкидлади.