8 март Халқаро хотин-қизлар куни муносабати билан президент маслаҳатчиси Саида Мирзиёева турли соҳаларда фаоллик кўрсатиб келаётган хотин-қизлар билан учрашди.
— Юртимизда ана шундай самимий, меҳрибон, матонатли, қатъиятли хотин-қизлар кўплигидан хурсандман. Улар ўзларини тўлақонли намоён этиб, мақсадлари йўлида дадил қадам қўймоқдалар. Муаммоларни кўтаришдан чўчимайдиган, уларни ҳал этишга интилиб, бугунимиз ва келажагимизни ўзгартиришга ҳисса қўшаётган ҳар бир опа-синглимизга миннатдорлик билдираман — деди Мирзиёева.
Шунингдек, президент маслаҳатчиси ўзининг телеграм каналида мазкур учрашув давомида маданий, ижтимоий ва бошқа соҳаларда тез-тез учраётган, ҳали ҳам ечимини топмаган муаммолар муҳокама қилингани ҳақида ёзган.
