UzAuto Моторс тақдим қилган маълумотлар 2023 йилдан бошлаб Captiva ва Cadillac импорти йўлга қўйилишини кўрсатди. Ишлаб чиқарилиши тўхтатилаётган Nexia-3 ва Spark ўрнига бошқа бюджет моделлар сотуви чекланади. Фақатгина 2026 йилдан янги Chevrolet моделини ишлаб чиқариш бошланиши белгиланган, бироқ айнан қайси модель экани номаълум.
Қайд этилишича, компания жорий йил охиридан Nexia-3 ва Spark, 2023 йилнинг охиридан эса Lacetti-Gentra автомобилларини ишлаб чиқаришни тўхтатади.
Маълум бўлишича, яқин йиллар ичида Nexia-3 ва Spark ўрнига бошқа бюджет моделлар ишлаб чиқариш йўлга қўйилмайди.
Ҳисобот жорий йилнинг охиридан бошлаб Trailblazer савдоси ҳам тўхтатилишини, кейинги йилнинг охиридан янгиланган Equinox, 2024 йил ўрталаридан эса янгиланган Traverse сотувлари бошланишини кўрсатмоқда.
Маълумот ўрнида, 2024 йилдан бошлаб Ўзбекистонда ҳам Собалтънинг янгиланган версияси ишлаб чиқарилиши мумкин.