Жейми Варди "Лестер" афсонаси. Форвард 2012 йилда клубга қўшилди ва жамоани чемпионатнинг ўртамиёна жамоасидан Англия чемпионлигигача олиб чиқди. Ҳозирги вақтда ҳам Варди кучли футболчилардан бири ҳисобланади. Жорий мавсумда 38 ёшли форвард "Лестер"нинг Премьер-лигадаги энг яхши тўпурари (7) бўлиб, элитадаги ўринни сақлаб қолиш учун курашмоқда. Бироқ, 2016 йилда Жейми клубни тарк этишга яқин эди. Ҳужумчига "Арсенал" жиддий қизиқиш билдирганди. Бироқ, келишув амалга ошмади?
2015/2016 йилги мавсум "Лестер" учун тарихий бўлди. Клуб тарихда биринчи марта Англия чемпионига айланди. Гарчи, мавсум олдидан жамоа қуйи лигага тушиб кетиш учун асосий давогарлардан бири ҳисобланарди. Бу эса Вардисиз содир бўлмасди. Ҳужумчи 24 та гол урди ва тўпурарлар пойгасида иккинчи ўринни эгаллади (Кейнда 25 та). Варди, шунингдек, Премьер-лигада мавсумнинг энг яхши футболчиси мукофотини ҳам қўлга киритди.
Англия терма жамоаси бош мураббийи Рой Хожсон Вардини Евро-2016 учун терма жамоага чақирди. Форварднинг трансфер қиймати бир йил ичида 6 миллион евродан 20 миллион еврога кўтарилган Жейми "Лестер" мухлислари учун қаҳрамонга айланди. Шундан сўнг, Вардига қизиқиш кучайди. "Арсенал" рақобатда кучлидек туйилди. Айнан лондонликлар 2015/2016 йилги мавсумда "Лестер" билан олтин медаллар учун курашган, бироқ жамоа иккинчи ўринни эгаллайди.
2016 йил июнь ойида Арсенал" Вардини қўлга киритиш учун жиддий киришади. Унинг нархи бор-йўғи 23 миллион евро эди. Бу Премьер-лиганинг энг яхши футболчиси учун катта сумма эмасди. Лондонликлар, шунингдек, 29 ёшли форварднинг маошини сезиларли даражада оширишни режалаштиришганди. "Арсенал" "Лестер" вакиллари ва футболчининг ўзи билан музокараларга киришади. Орадан бир неча кун ўтиб клуб бош мураббийи Клаудио Ранери товон тўлаш банди фаоллаштирилганини тасдиқлайди. Кейин нима бўлди? 2016 йилда "Арсенал"нинг трансфер музокараларини бошқарган Дик Лоу 2020 йилда берган интервьюсида бу ҳақда шундай дейди: “Биз "Лестер" ва футболчи билан келишиб олдик. Варди Лондонга келди ва Арсен Венгер билан учрашди. Кейин эса у орқага қайтди. Жейми шунда менга қўнғироқ қилиб, яна бир бор ўйлаб кўрмоқчи эканлигини айтди. Шундан сўнг унинг трансфери ижобий ҳал этилмаслги маълум бўлди".
Кейин "Лестер Сити" Варди билан шартномани яна 4 йилга узайтириш борасида келишувга эришади. Иккала томон ҳам бу баёнот Жейми келажаги ҳақидаги сўнгги миш-мишларга барҳам беради ва унинг клубга содиқлигини тасдиқлайди. Қизиғи шундаки, 2017 йилдан сўнг Варди иккита соврин - Англия кубоги ва ФА Соммунитй Шиелд (иккаласи ҳам 2021 йилда) қўлга киритди. "Арсенал" кубок (2020) ва иккита Суперкубок (2020, 2023) соҳибига айланади. У шу вақтга қадар лондонликлар дарвозасига 11 та гол урган.