Хитойнинг электроника гиганти Xiaomi компаниянинг биринчи электромобили SU7 сотуви бошланганини эълон қилди. Ҳозирча янги маҳсулот фақат Хитойда мавжуд, бироқ сотув бошланганидан буён дастлабки 27 дақиқада потенциал харидорлардан 50 мингдан ортиқ буюртма келиб тушди.
Лойиҳанинг расмий эълони уч йил олдин бўлиб ўтган, ўтган йилнинг охирида Хитой компанияси янги маҳсулотининг биринчи тақдимотини ўтказган ва икки кун олдин Хиаоми SU7 сотувини бошлаган. Аввал эълон қилинганидек, электромобил учта модификацияда чиқарилди: Standart, Pro ёки Мах. Улар аккумулятор қуввати, қувват узатилиши ва ADAS ҳайдовчига ёрдам тизимининг мавжудлиги билан фарқланади. Биринчи иккитаси орқа ғилдиракли, юқори версия эса тўлиқ ғилдиракли ва иккита двигатель билан жиҳозланган.
SU7 нинг асосий версиясининг бошланғич нархи 29,9 минг долларни ташкил этди, Pro модели мижозларга 34 минг доллар, Max - 41 минг доллар туради.