Хоразм вилояти Экология, атроф-муҳитни муҳофаза қилиш va иқлим ўзгариши бошқармаси Хонқа туман бўлими давлат инспекторлари томонидан навбатдаги назорат рейд тадбири ўтказилди.
Рейд давомида фуқаро T.Б. томонидан 4 туп павлония дарахтини қонунга зид тарзда кесганлик ҳолати аниқланди. Натижада табиатга 10 млн 880 минг сўм миқдорида зарар етказилган.
Ҳолат юзасидан фуқарога нисбатан МЖтКнинг 79-моддаси 1-қисмига мувофиқ маъмурий баённома расмийлаштирилди. Ҳуқуқбузар базавий ҳисоблаш миқдорининг 50 баравари — 17 миллион сўм миқдорида жаримага тортилди.