Жорий йилнинг 21 октябрдан бошлаб мактабгача, умумтаълим ва мактабдан ташқари таълим муассасалари педагоглари иштирокида малака тоифа синовлари <a href="https://t.me/uzedu/37954">бошланган.</a>
&nbsp;
Мактабгача ва мактаб таълими вазирлигига кўра, синов жараёнларида турли фанлардан жами 180 мингга яқин педагоглар иштирок этиши тахмин қилинган эди.
&nbsp;
&ldquo;Халқ таълим инфо&rdquo;нинг ёзишича, мазкур аттестация жараёни орқали педагоглар малак тоифасини ошириши, 70 фоизлик устамага эга бўлиши, вазир устамаси учун даъвогарлик қилиши ҳамда ъъЙил ўқитувчиси&nbsp;танлови учун ўз номзодини илгари суриши <a href="https://xalqtaliminfo.uz/post/1395">мумкин бўлади.</a>
&nbsp;
Сўнгги вақтларда ижтимоий тармоқларда ўқитувчиларнинг аттестациядан норози эканлигини ёзилаётган постлар, хабарлар ва фикрлар кўпаймоқда.
&nbsp;
Жорий йилнинг 24 ва 30-31 октябрь кунлари инглиз тили ўқитувчилари учун аттестация тест синовлари бўлиб ўтган эди. Аммо имтиҳонда қатнашган педагогларнинг катта қисми аттестация натижаларидан норози эканлигини тармоқларда кенг билдирмоқда.
&nbsp;
Нафиса Ортиқова, Ҳасанбой Расулов, Мафтуна Каримова ва Жаҳонгир Тесол исмли Facebook фойдаланувчилари 24,30-31 октябрь кунлари ўтказилган аттестация натижаларидан норози ўқитувчилар имтиҳон тугаганидан 3 кун ўтмай 15 мингга яқин инглиз тили устозлари Telegram каналида бирлашгани ҳақида <a href="https://www.facebook.com/share/p/14RPywTYe5d/">маълум қилди.</a>
&nbsp;
Уларнинг фикрича, имтиҳондаги мактаб ўқитувчисидан талаб қилинаётган билимлар кундалик ҳаётда ва болани ўқитиш керак бўлмайди. Шунингдек, тестларда жиддий камчиликлар бор ва улар валидлик талабларига жавоб бермайди.
&nbsp;
&ldquo;Бундан кўзланган асосий мақсад 70 фоизлик устамага ҳеч кимни ўтказмаслик, тоифадан камроқ ўқитувчилар ўтишини таъминлаш бўлиши мумкин дейилади гуруҳдаги билдирилган фикрларда&rdquo;, - дея ёзилади Facebook тармоғидаги саҳифаларида.
&nbsp;
Постда ёзилишича, 15 мингга яқин ўқитувчилар йиғилган гуруҳда уларнинг имтиҳондан ўтганлиги ёки ўтмаганлиги ҳақида сўровнома ўтказилган. Сўровнома натижаларига кўра, 92 фоиздан ортиқ ўқитувчилар имтиҳондан етарли балл тўплай олмаган.
&nbsp;
&ldquo;Вазирлик бу бўйича шу пайтга қадар ҳеч қандай баёнот бермади.
&nbsp;
Мактабгача ва мактаб таълими вазирлигидан ушбу муаммога эътибор қаратишлари ва ўқитувчиларга аттестация имтиҳонларини белгиланган тартибда адолат ва шаффофликни таъминлаган ҳолда қайта ўтказиб беришларини сўраб қоламиз&rdquo;, &mdash; дея ёзилади постда.
&nbsp;
&ldquo;Халқ таълим инфо&rdquo; интернет нашри асосчиси, журналист Улуғбек Пўлатов агар таълим сиёсатини белгиловчи шахс бўлиб қолганида биринчи навбатда вақтинчалик аттестацияни тўхтатган бўлишини <a href="https://t.me/xalqtaliminfo/7035">айтди.</a>
&nbsp;
&ldquo;Аттестация тестларини тўғри тузилишини таъминлаб, вазирлик талабларига жавоб берадиган тестларни жорий қилганидан кейингина яна аттестацияни давом эттирган бўлар эдим&rdquo;, - деган у.
&nbsp;
Журналистнинг айтишича, ҳозирги аттестация жараёнлари ўқитувчиларни руҳий жиҳатдан синдириб қўйяпти.
&nbsp;
Бугун, 3 ноябрь куни вазирлик ижтимоий тармоқларда тарқалаётган хабарларга муносабат берди.
&nbsp;
Муносабатга кўра, аттестациядан норози бўлган педагоглар тест жараёнининг ўзидан платформа орқали тегишли топшириқ бўйича эътирозларини ёзиб қолдиришлари мумкин.
&nbsp;
Шунингдек, тест натижалари эълон қилинган кундан бошлаб ўн кун мобайнида pedagog.uzedu.uz платформасидаги шахсий саҳифалари орқали ёки ёзма шаклда апелляция мурожаат юбориш ҳуқуқига эга.
&nbsp;
&ldquo;Афсуски, жараёндан ўз фойдаси йўлида фойдаланишга уриниш ҳолатлари ҳам учраб турибди. Етарли балл тўплай олмаган педагоглардан турли чора-тадбирлар учун (адвокат хизмати 100 млн сўм) маблағ йиғишга даъватлар, аттестациядан ўтказиб қўйиш билан боғлиқ турли асоссиз таклифлар ҳамда айрим тест саволларини нотўғри шаклда, мазмунини ўзгартириб ижтимоий тармоқларга тарқатиш ҳолатлари содир бўлмоқда. Бу бўйича Мактабгача ва мактаб таълими вазирлиги томонидан тегишли ташкилотлар билан ҳамкорликда иш олиб борилмоқда&rdquo;, - дейилади муносабатда.
&nbsp;
Таълим бўйича эксперт Комил Жалилов ўзининг Telegram каналида вазирлик муносабтини &ldquo;муаммони ҳал қилмайдиган муносабат&rdquo;, деб <a href="https://t.me/jalilovqaydlar/3617">атади.</a>
&nbsp;
Жалиловга кўра, вазирлик муносабатида одатдагидек, бирон-бир муаммо тан олинмаган. лекин ОАВ саволларига очиқ жавоб беришга тайёрлик маълум қилинган ва яқин орада матбуот анжумани ташкил этилиши айтилган. Шу билан бирга, одатий тусда "тегишли ташкилотлар" билан пўписа ҳам қилиб қўйилган.
&nbsp;
&ldquo;Ўзи бу йилги аттестация можароларга бой бўлди. Баҳорги аттестация ортидан бир қанча фанлар ўқитувчилари - айримлари индивидуал тарзда ва айримлари гуруҳ бўлиб - вазирликни судга беришди. Мен кузатган суд мажлисларда судьялар ишни адолатли ва ҳар томонлама кўришди дея олмайман: инглиз тили ўқитувчиси вазирликни судга берган ҳолатда ўқитувчи адвокат ёллай олмаган, бир ўзига вазирликнинг бир қанча мутахассислари ва юристи қарши чиқди. Она тили ва адабиёт ўқитувчилари судида эса судья даъвогарлар томонидан деярли барча илтимосномаларни, масалан, мутахассисларнинг фикрини эшитиш илтимосномаларини рад қилди, вазирлик тарафнинг деярли барча илтимосномаларини қондирди&rdquo;, - дея ёзади Жалилов.
&nbsp;
Эксперт ўз каналида вазирликка қарат бир нечта саволларни ўртага ташалади:
&nbsp;
1.Вазирлик охирги аттестация юзасидан ўқитувчилар натижалари статистикасини эълон қила оладими?
&nbsp;
2. Агар ўқитувчи IELTS 8 (C2) даражаси бор педагог аттестациядан ўта олмаса, аттестация тестлари қайси даража учун мўлжалланган? Вазирлик миллий ва халқаро сертификатлари бор педагогларнинг сертификатдаги натижалари ва аттестациядаги натижалари ўртасидаги корреляцияни ўрганганми?
&nbsp;
3. Умуман, аттестация тест топшириқлари апробациядан ўтганми? Агар апробациядан ўтган бўлса, тест топшириқлари билан боғлиқ муаммолар апробация пайтида аниқланмаганми?
&nbsp;
Эслатиб ўтамиз, она тили ва адабиёт ҳамда тарих ўқитувчилари вазирликни судга берган берган. Ўқитувчилар вазирлик билан судлашиб юрган вақтида вазирлик ва бошқа ташкилот ходимлари томонидан ўқитувчиларга босим ўтказиб келинган. Икки фан ўқитувчилари ҳам вазирликка судда ютқазган.
&nbsp;

Яна аттестация муаммоси бошланди. Вазирлик ва экспертлар нима демоқда?

Москвада мигрантлар ўртасида оммавий жанжал чиқди

“Бойсундаги “М-25” конида вазият барқарор ва ҳолат зилзила билан боғлиқ эмас”

Ўзбекистонликлар учун рақамли олтин савдоси йўлга қўйилди

Жиззахда “Ҳудудгаз” ходими 6 минг доллар пора олаётганда ушланди

Тошкентда Gentra ЙПХ ходимини судраб кетди

Андижонда алиментдан қарздор эркак фермадан топилди

Ўзбекистон

Категориялар

Боғланиш учун

Электрон манзил:

Шаҳодатнома

Таҳририят манзили

Ғоя муаллифи