“Энг қизиқ воқеа Рождество байрамида бўлди. Ўшанда қайси жамоа билан ўйнаганимизни эслай олмайман. Тахминимча бу “Сандерленд”га қарши сафар ўйини эди. Шунда Клопп билан Милнер жанжаллашиб қолди. Иккиси ҳам бир-бирини тушуна олмади. Менимча Милнер ўз фикрини исботлашга ҳаракат қиларди. Унинг ҳаракатидан Клоппга ишончсизлик сезилиб турарди. Мураббий эса бу вақтда жуда катта босим остида эди. Шу йили мен “Ливерпул" мураббийлар штабига энди келгандим. Клопп учун эса бу иккинчи йил эди. Ҳамма уни яхши мураббий деб ҳисобларди. Мана шу йиллар давомида Юрген Клопп ўз футболчиларини супер юлдузларга айлантирди”.
Эслатиб ўтамиз, германиялик мутахассис Юрген Клопп “Ливерпул” клубини 2015 йилдан бери бошқариб келмоқда. Бу вақт давомида жамоа билан Европа чемпионлар лигаси, Европа суперкубоги ва Англия премьер-лигаси ғолиблигини қўлга киритди.
Аввалроқ “Бавария” ҳужумчиси Роберт Левандовски янги рекорд ўрнатгани ҳақида хабар берганганди.
Жамшидбек Амиров