Ўзбекистон Кинематография агентлиги Россия, Тожикистон, Қозоғистон давлатлари билан келишувга эришди
Тошкент халқаро кинофестивали доирасида Ўзбекистон Республикаси Кинематография агентлиги ва бир қатор давлат киностудиялари билан ҳамкорликда бадиий фильмлар суратга олиш бўйича меморандум имзоланди.
Даставвал, Ўзбекистон Республикаси Кинематография агентлиги ва «Тожикфильм» давлат муассасаси билан давлатимиз раҳбари Шавкат Мирзиёев ва Тожикистон Республикаси Президенти Эмомали Раҳмоннинг таклифлари асосида ҳамкорликда “Навоий ва Жомий дўстлиги” ҳақида бадиий фильмни суратга олишга келишилди.
Бундан ташқари, анжуманда Россия ва Қозоғистон киноижодкорлари билан бир нечта янги лойиҳалар юзасидан ҳамкорликка эришилди.
Мазкур ҳамкорликлар доирасида кўплаб янги фильмлар суратга олиниши режалаштирилди.
Эслатиб ўтамиз, кинофестиваль бош ҳомийси: AGMK, NGMK va “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.
Аввалроқ Ўзбекистон Кинематография агентлиги бош директори Фирдавс Абдухаликов кино асарларимизни бугунги замон талаблари даражасига кўтаришимиз керак дея таъкидлаганди. Шунингдек, “Ўзбекфильм” киноконцернида Россия Федерацияси киноси кунлари доирасида машҳур кинорежиссёр, РСФСР халқ артисти, Россия Федерацияси Кинематографлар уюшмаси раиси Никита Михалков билан ижодий учрашув бўлиб ўтгани, Беларусь киноси кунлари бошлангани ҳамда Ипак йўлининг нодир дурдонаси қалбларни бирлаштиргани ҳақида хабар берилганди.
