Vazirlar Mahkamasining 244-sonli qaroriga ko‘ra, 1- maydan boshlab Xalqaro kuryerlik jo‘natmalari orqali bojsiz olib kirish normasi oyiga 200$ bo‘ladi, oldin bu chorakda 1000 $ edi.
Bojxona qo‘mitasi Axborot xizmati rahbari Husan Tangriyev yangi tartib haqida tushuntirish berdi.
“Bu ichki bozorda shaffoflikni taʼminlashga qaratilgan qadam hisoblanadi. Bu o‘zgarishlar faqat shaxsiy ehtiyojlar uchun tovarlar olib kiruvchilarga emas, balki tijorat maqsadida faoliyat yurituvchilarga ham taʼsir qiladi.
Turkiya va Janubiy Koreya kabi davlatlarda shunday tartiblar elektron savdoning rivojlanishiga va mahalliy ishlab chiqaruvchilarning raqobatbardoshligini oshirishga olib kelgan”, - dedi Bojxona qo‘mitasi matbuot xodimi.