Ichki ishlar vazirligi YHXB boshqarmasiga ko'ra, 2025-yil 1-oktabrdan boshlab moped va skuterlarni boshqarish faqat ularni davlat ro‘yxatidan o‘tkazgan va “A” toifadagi haydovchilik guvohnomasiga ega bo‘lgan shaxslargagina ruxsat etiladi.
Mazkur qoida dvigatelining ishchi hajmi 25 sm³ dan 50 sm³ gacha bo‘lgan, shuningdek, elektr dvigatelining quvvati 0,25 kVt dan 4 kVt gacha bo‘lgan va konstruktiv tezligi 25–50 km/soatni tashkil etuvchi transport vositalariga taalluqlidir.
Avvalroq, moped va skuter haydovchilariga 2025-yil 1-martga qadar “A” toifadagi guvohnoma olish, 30-sentyabrgacha esa transport vositalarini ro‘yxatdan o‘tkazish zarurligi haqida ma’lum qilingan edi.