Ички ишлар вазирлиги ЙҲХБ бошқармасига кўра, 2025 йил 1 октябрдан бошлаб мопед ва скутерларни бошқариш фақат уларни давлат рўйхатидан ўтказган ва “A” тоифадаги ҳайдовчилик гувоҳномасига эга бўлган шахсларгагина рухсат этилади.
Мазкур қоида двигателининг ишчи ҳажми 25 см³ дан 50 см³ гача бўлган, шунингдек, электр двигателининг қуввати 0,25 кВт дан 4 кВт гача бўлган ва конструктив тезлиги 25–50 км/соатни ташкил этувчи транспорт воситаларига тааллуқлидир.
Аввалроқ, мопед ва скутер ҳайдовчиларига 2025 йил 1 мартга қадар «А» тоифадаги гувоҳнома олиш, 30 сентябргача эса транспорт воситаларини рўйхатдан ўтказиш зарурлиги ҳақида маълум қилинган эди.