Markaziy bank tomonidan bank xizmatlari iste’molchilari huquqlarini kuchliroq himoya qilish va banklar faoliyatini yanada shaffof qilish maqsadida qator muhim qoidalar joriy etildi. Yangi normalar 2026-yil 29-yanvardan kuchga kiradi.
Asosiy o‘zgartirishlar quyidagilardan iborat:
- yangi standartlashtirilgan chek-list joriy etiladi, mijozlar kredit olishdan oldin barcha risk va majburiyatlardan xabardor bo‘ladilar
- kredit to‘lovlarini kechiktirgan fuqarolar uchun shartnomani o‘zgartirish va yengillik berish tartibi belgilanadi
- banklarga fuqarolarni ortiqcha qarzga undamaslik, davlat nafaqalari hisobidan qarz undirmaslik to‘g‘risida qat'iy talablar qo‘yildi
- mijoz roziligisiz oldindan belgilangan belgilar yoki kredit parametrlarini kiritish man etildi
- omonatlarni kafolatlash tizimi to‘g‘risida aniq va standart ma'lumot berish majburiyati joriy etildi
Ushbu yangiliklar bank xizmatlari bo‘yicha iste’molchilar huquqlarini himoya qilish va moliyaviy shaffoflikni ta'minlashga qaratilgan.