22 ming meksikalik migrantlar AQSHga kirish uchun vaqtinchalik boshpanada jon saqlamoqda. Bu haqda CNN telekanali xabar berdi.
Bir vaqtning o‘zida Meksika bilan chegaradosh Texas shtatidagi El-Paso shahri yaqinida mahalliy hokimiyat chegarada devor qurmoqda. Bundan ko‘zlangan maqsad migrantlar kirib kelishini cheklashdan iborat. Hozirda 3.2 kilometr to‘siq qurilgan.
Qayd etilishicha, El-Pasoda qochqinlar soni oshgan. Ular shahar ko‘chalarida tunamoqda, sababi cherkov va qochqinlar markazlari to‘lib ketgan.
AQSHda qochqinlik maqomini olish bo‘yicha so‘rovlar 2012 yildan buyon 7 marta o‘sib, bu yil 1.6 millionga yetdi.
Qo‘shma Shtatlarga migrantlar oqimi kuchayishi kutilmoqda. bundan oldin koronavirusga qarshi kurash bahonasida mamlakatdan qochqinlar darhol deportatsiya qilingan bo‘lsa, hozirda ushbu norma yumshatilmoqda. Bayden administratsiyasi uni uzaytirishga qarshi chiqqan.