Turkiyaning Amasya viloyatida mamlakatning eng yoshi ulug‘ fuqarosi – 127 yoshli Oysha Bayri hayotdan ko‘z yumdi. U 1898-yilda dunyoga kelib, umr davomida Usmonli saltanatining so‘nggi uch hukmdori va Turkiya Respublikasiga rahbarlik qilgan 12 prezident - Mustafo Kamol Otaturkdan Erdo‘g‘ongacha bo‘lgan davrni ko‘rdi. Oysha onaxon 5 farzand, 20 nabira, ko‘plab avlodlarga mehribon ona va buvi bo‘lib ulg‘aydi. Nafas qisishi va ichki a’zolar yetishmovchiligi sababli shifoxonada vafot etdi.
Oysha Bayriga “Hojimustafa” masjidida janoza o‘qilib, Suluova tumani qabristoniga dafn etildi. Marosimda ishtirok etgan rasmiylar uni “mintaqaning faxri va eng keksasi” sifatida e’tirof etib, yaqinlariga ta’ziya bildirishdi.
Eslatib o‘tamiz, yaqinda Farg‘onada 1895-yilda tug‘ilgan Huvaydo Umarovaning tug‘ilganlik fakti sud tomonidan tasdiqlangandi va u O‘zbekistondagi eng yoshi ulug‘ inson sifatida qayd etildi.