Bilim va malakalarni baholash agentligi xabar berishicha, 2023/2024-o‘quv yili uchun abituriyentlarni onlayn ro‘yxatga olish my.uzbmb.uz sayti orqali bugun, 20 iyunda kunning ikkinchi yarmida boshlanadi.
«Ayni vaqtda 2023/2024 o‘quv yili uchun maqsadli qabul parametrlari va qabul parametrlarining tillar kesimidagi taqsimotini my.uzbmb.uz saytiga joylashtirish ishlari yakunlanmoqda», — deyiladi agentlik xabarida.
Maʼlumot uchun, oliy taʼlim muassasalarining bakalavriat taʼlim yo‘nalishlariga abituriyentlarni ro‘yxatga olish har yili 20 iyundan 20 iyulga qadar amalga oshirilishi belgilangan.