Afg‘onistonda ayollar boshchilik qiladigan oilalarning 90 foizi ochlikdan aziyat chekmoqda. Bu haqda BMTning Inson xuquqlari bo‘yicha Oliy komissari Mishel Bachelet maʼlum qildi.
Bachelet afg‘on ayollari duch kelayotgan qator muammolarni sanab o‘tdi. Jumladan, ayol huquq himoyachilari doimiy hujumlarga uchramoqda, xotin-qizlar orasida ommaviy ishsizlik avj olgan, harakatlanish erkinligi cheklangan, ayollarga tegishli yoki ularning boshqaruvidagi korxonalarning katta qismi yopilgan.
Afg‘on xotin-qizlarining taʼlim olish huquqi taqiqlanishi oqibatida ularning 1.2 millioni taʼlimdan tashqarida qolmoqda.