Kobul shahrida O‘zbekiston qurilish materiallari uchun maxsus savdo uyi tashkil etiladi. Bu markaz 570 kvadrat metr shourum va 500 kvadrat metr omborxonadan iborat bo‘lib, tadbirkorlarga mahsulotlarini qulay shartlarda namoyish etish imkoniyatini beradi.
Mozori Sharif shahrida ham shunga o‘xshash savdo uyi mart oyida ochilgan edi. Bu savdo uylari O‘zbekiston mahsulotlarini Afg‘oniston bozoriga chiqarish va yangi hamkorlar topish uchun muhim platforma hisoblanadi.
O‘zbekiston va Afg‘oniston o‘zaro savdo hajmini 3 milliard dollarga yetkazishni rejalashtirmoqda. Shu maqsadda ikki davlat rasmiylari orasida aniq chora-tadbirlar belgilab olingan.