Shu yilning 27-dekabr kuni "Afrosiyob" elektropoyezdi yo‘l sozlovchisini bosib ketdi.
Ma’lum qilinishicha, "Buxoro mintaqaviy temir yo‘l uzeli" UK ga qarashli Juma-Kattaqo‘rg‘on temir yo‘l bekatlar oralig‘ida tezyurar "Afrosiyob" elektropoyezdi mashinisti tomonidan berilgan kamchilikni bartaraf etish maqsadida ish rahbari va 9 nafar yo‘l sozlovchilar birgalikda ta’mirlash ishlarini amalga oshirishgan.
Temir yo‘l izi ichidan brigada oldiga qaytayotgan yo‘l sozlovchisi M. Sh. yo‘l brigadirining ogohlantirish ishoralariga e’tibor bermagan hamda "Afrosiyob" elektropoyezdi mashinisti tomonidan berilgan ogohlantirish signalini ham eshitmagan. Oqibatda Toshkent-Buxoro yo‘nalishida yuqori tezlikda harakatlanib kelayotgan 770-sonli "Afrosiyob" elektropoyezdi yo‘l sozlovchisini urib ketgan va u voqea joyida vafot etgan.