Andijon viloyati Paxtaobod tumanida 17 yoshli yigit va 15 yoshli qizni chaqmoq urdi. Bu haqda Bosh prokuratura matbuot xizmati xabar berdi.
Qayd etilishicha, shifokorlar tomonidan ko‘rsatilgan zarur tibbiy yordamga qaramasdan 17 yoshli yigit vafot etgan.
Shuningdek, qizning ahvoli qoniqarli bo‘lib, hozirda shifoxonada davolanmoqda. Mazkur holat yuzasidan Prokuratura tomonidan tergovga qadar tekshiruv harakatlari olib borilmoqda.