Qirg‘izistonlik haydovchi 6 kun Qozog‘istondagi dashtda qolib ketdi.
Qirg‘iziston fuqarosining yuk mashinasi yo‘llarda qor bo‘roni sodir bo‘layotganda, Samara-Chimkent yo‘lidagi ariqqa tushib ketdi.
Avtovozni tortib olishning iloji bo‘lmagan, haydovchi esa yukni qo‘riqlayotgani uchun voqea joyini tark etishdan bosh tortgan. Politsiya har kuni haydovchining hol-ahvoli, ovqat va suvidan xabar olib turgan.
Kecha avtovoz maxsus texnika yordamida ariqdan tortib olindi.