Jo Bayden ma’muriyati Falastin—Isroil mojarosida sulh tuzishga chaqirganiga qaramay, Amerika Qo‘shma Shtatlari Isroil hukumatiga o‘n million dollarlik turli xildagi o‘q-dorilar yetkazib berishni rejalashtirmoqda. Bu haqda The Wall Street Journal xabar berdi.
Ma’lumotlarga ko‘ra, Amerika hukumati Isroilga taxminan 1 ming dona MK-82 bombalarini, shuningdek, KMU-572 mo‘ljalga olish to‘plamlari va KMU-572 bombalar uchun portlatish vositalarini berishni rejalashtirmoqda.
Nashrning taʼkidlashicha, qurol yetkazib berish bo‘yicha kelishuv hali ham Amerika maʼmuriyati tomonidan ko‘rib chiqilmoqda. Agar ma’qullansa, kelishuv Kongress tomonidan tasdiqlanishi kerak bo‘ladi.