АҚШ Исроилга ўн миллион долларлик ўқ-дорилар етказиб бериш ниятида
Қурол етказиб бериш бўйича келишув ҳали ҳам Америка маъмурияти томонидан кўриб чиқилмоқда.
Жо Байден маъмурияти Фаластин—Исроил можаросида сулҳ тузишга чақирганига қарамай, Америка Қўшма Штатлари Исроил ҳукуматига ўн миллион долларлик турли хилдаги ўқ-дорилар етказиб беришни режалаштирмоқда. Бу ҳақда The Wall Street Journal хабар берди.
Маълумотларга кўра, Америка ҳукумати Исроилга тахминан 1 минг дона МК-82 бомбаларини, шунингдек, КМУ-572 мўлжалга олиш тўпламлари ва КМУ-572 бомбалар учун портлатиш воситаларини беришни режалаштирмоқда.
Нашрнинг таъкидлашича, қурол етказиб бериш бўйича келишув ҳали ҳам Америка маъмурияти томонидан кўриб чиқилмоқда. Агар маъқулланса, келишув Конгресс томонидан тасдиқланиши керак бўлади.
