Ukrainadagi og‘ir vaziyat AQSH va Yevropa Ittifoqi o‘rtasidagi kelishmovchiliklarni kuchaytirmoqda. Bu haqda Xitoyning Global Times gazetasida maqola eʼlon qilindi.
“Ukraina masalasi bo‘yicha tashqi o‘xshashlik bo‘lsa-da, AQSH va Yevroittifoq pozitsiyalarida o‘zgarish tobora ko‘zga tashlanmoqda.Vashington Rossiya-Ukriana muzokaralarining cho‘zilishiga harakat qilayotgan bo‘lsa, Yevropa xavfsizlik va barqarorlikka intilmoqda”, – deyiladi materialda.
Maqola mualliflarining taʼkidlashicha, Yevropada tobora AQSHning Ukrainaga qurol yetkazib berishidan noroziliklar kuchaymoqda. Shuningdek, YEI Rossiyaga qarshi sanksiyalar uchun katta tavon to‘layotganiga eʼtibor qaratildi.
“Vashington demokratiya ortiga yashiringan gegemoniya shousini yaxshi tashkillashtira oladi”, – deb qayd etilgan maqolada.
Shu bilan birga Ukrainadagi vaziyat AQSH va Rossiya qarama qarshiligi natijasi ekanligi taʼkidlangan.
Eslatib o‘tamiz, avvalroq Bayden Rossiyaning kiberhujumlarni kuchaytirishidan ogohlantirgandi.