AQSH Ukrainaga NASAMS ikkita zenit-raketa tizimlarini yetkazib berdi. Bu haqda tizimlarni ishlab chiqaruvchi bo‘lgan Amerikaning Raytheon Technologies kompaniyasi bosh direktori Greg Xeyes maʼlum qildi.
“Biz hozirgina ikkita NASAMS tizimini yetkazib berdik. U AQSH hukumatiga ikki hafta oldin taqdim etilgandi. Bugunoq ularning Ukrainada qo‘llanilishi boshlanadi”, – degan u.
o‘tgan haftada Pentagonning oliy martabali vakili Vashington yaqin haftalar ichida Kiyevga NASAMS zenit-raketa tizimlarini berishini ochiqlagandi. 11 oktyabr kuni Oq uy vakili Jon Kirbi ham bu xabarlarni tasdiqladi. Ukrainaga jami sakkizta shu turdagi qurollarni berish rejalashtirilgan.
Avvalroq Isroil Ukrainaga havo hujumiga qarshi mudofaa tizimlarini bermasligini aytgandi.