АҚШ ваъдасида турди: Украинага илк NASAMS’лар берилди
Бу тизимлар ҳаво мудофаасини кучайтириши кутилмоқда.
АҚШ Украинага NASAMS иккита зенит-ракета тизимларини етказиб берди. Бу ҳақда тизимларни ишлаб чиқарувчи бўлган Американинг Raytheon Technologies компанияси бош директори Грег Хейес маълум қилди.
“Биз ҳозиргина иккита NASAMS тизимини етказиб бердик. У АҚШ ҳукуматига икки ҳафта олдин тақдим этилганди. Бугуноқ уларнинг Украинада қўлланилиши бошланади”, – деган у.
ўтган ҳафтада Пентагоннинг олий мартабали вакили Вашингтон яқин ҳафталар ичида Киевга NASAMS зенит-ракета тизимларини беришини очиқлаганди. 11 октябрь куни Оқ уй вакили Жон Кирби ҳам бу хабарларни тасдиқлади. Украинага жами саккизта шу турдаги қуролларни бериш режалаштирилган.
Аввалроқ Исроил Украинага ҳаво ҳужумига қарши мудофаа тизимларини бермаслигини айтганди.
