AQSH moliya vazirligi "Vagner" xususiy harbiy kompaniyasini "transmilliy jinoiy" tashkilot sifatida tan oladi. Shu munosabat bilan keyingi hafta kompaniyaga qarshi sanksiyalar kengaytiriladi.
O‘z navbatida "Vagner" asoschisi Yevgeniy Prigojin bunga munosabat bildirdi.
"Va nihoyat "Vagner" va AQSH hamkasbga aylandi. Bizning munosabatlarimizni bundan buyon jinoiy to‘dalarning to‘qnashuvi sifatida baholanadi", — degan u.
"Vagner" Ukrainadagi harbiy harakatlarda faol ishtirok etib kelmoqda. Bahorda Prigojin Rossiya qamoqxonalaridan minglab mahbuslarni o‘z kompaniyasiga jalb qilgandi.