Қўшма Штатлар ЕИ мамлакатларига Россия нефти нархининг юқори чегараси бўйича босим ўтказмоқда, дея хабар бермоқда “Politico” юқори мартабали дипломатга таяниб.
“Қўшма Штатлар томонидан нефт нархининг юқори чегарасини жорий этиш бўйича босим бор", деди дипломат. Шунингдек, у "ҳаётий манфаатлар хавф остида" эканлигини қўшимча қилди.
Европа Иттифоқи давлатлари бу масалада иккига бўлинган. Масалан, Полша ва Болтиқ мамлакатлари таклиф қилинган 65-70 долларлик чегара даражасини жуда юқори деб ҳисоблашади.
Аввалроқ АҚШ ва унинг иттифоқчилари Россия нефтининг бир баррелига 60-70 долларгача бўлган нархларни чеклаш масаласини кўриб чиқаётгани хабар қилинганди.
Россия Президенти матбуот котиби Дмитрий Песков нефт нархининг юқори чегараси сифатида муҳокама қилинган рақамларни “тушунтириш қийин” деб атади.