2022-yil 30-dekabr kuni “O‘zbekiston Respublikasining “2023-yil uchun O‘zbekiston Respublikasining Davlat byudjeti to‘g‘risida”gi Qonuni ijrosini taʼminlash chora-tadbirlari to‘g‘risida”gi Prezident qarori qabul qilindi.
Unga ko‘ra, 2023-yil 1-yanvardan 2026-yil 1-yanvarga qadar davlat bog‘chalarida bola taʼminoti uchun to‘lovlar tumanlarning toifasidan kelib chiqib belgilanadi.
Endlikda 4- va 5-toifadagi tumanlarda to‘lovlar 50 foiz, 3-toifadagi tumanlarda 30 foiz kamaytiriladi.
Eslatib o‘tamiz, 2023-yil 1-yanvardan boshlab O‘zbekistondagi barcha — 208 ta tuman va shahar iqtisodiy ahvolidan kelib chiqib, 5 ta toifaga ajratildi. Toifaga qarab, bu tumanlarga soliq imtiyozlari, subsidiya ajratish tartibi va tadbirkorlik faoliyatini qo‘llab-quvvatlash choralari belgilanadi.