Jozef Bayden 13-15 dekabr kunlari Vashingtonda AQSH-Afrika sammitini o‘tkazadi. Bu haqda Oq uy xabar tarqatdi.
Uchrashuvda Afrikadagi barcha davlat rahbarlari ishtirok etishi aytilgan. Bu orqali Vashington ushbu qitʼa bilan munosabatlarini mustahkamlash va butun dunyo uchun katta ahamiyatga ega masalalar yuzasidan hamkorlikni kuchaytirishni maqsad qilgan.
Xususan, tomonlar iqtisodiy hamkorlik, demokratiya va inson huquqlari, koronavirus va boshqa pandemiyalarga qarshi kurash, oziq-ovqat xavfsizligi va tinchlik masalalarini muhokama qiladi.
AQSH-Afrika sammiti ilk bor 2014 yilda o‘tkazilgan, unga Qo‘shma Shtatlarning o‘sha paytdagi rahbari Barak Obama boshchilik qilgan.
Avvalroq Bayden Shimoliy Afrika va Yaqin Sharqqa 1 milliard dollar ajratgani to‘g‘risida xabar berilgandi.