AQSh prezidenti Jo Bayden strategik bo'lmagan yadro qurollarining Rossiyadan Belarusga o'tkazilishi haqidagi xabarni "juda salbiy" qabul qildi.
"Juda salbiy", — dedi Bayden jurnalistlarga o'z munosabati haqida qisqacha. Agentlik Amerika prezidenti bu bayonotni qayerda aytganiga aniqlik kiritmaydi.
Rossiya yadro qurolining Belarus hududiga olib o'tilishini payshanba kuni respublika prezidenti Aleksandr Lukashenko e'lon qildi. Uning so‘zlariga ko‘ra, u allaqachon Rossiya prezidenti Vladimir Putin bilan strategik bo‘lmagan yadroviy qurollarni joylashtirish bo‘yicha kelishib olgan.
Mart oyi oxirida Vladimir Putin Belarus tomonining iltimosiga ko‘ra, AQSh uzoq vaqtdan beri ittifoqchi davlatlar hududida qilganidek, Rossiya o‘zining taktik yadroviy qurollarini respublika hududida joylashtirishini ma’lum qildi. Rossiya rahbari 1 iyulga qadar Belarus hududida yadroviy zaryadlarni saqlash ombori qurilishini yakunlash rejalashtirilayotganini taʼkidladi.