Isteʼmolchilardan kelib tushgan ko‘plab shikoyatlarga ko‘ra, “Beeline” oylik abonent to‘lovi uchun mablag‘ yetarli bo‘lmaganda, avtomatik ravishda kunlik tarifga o‘tkazish va to‘lov yechish amaliyotini amalga oshirmoqda.
Bu jarayonda abonent roziligisiz kunlik to‘lov (2000 so‘m) yechiladi.
Qarzga to‘lov yechilib, raqam bloklanadi. To‘lov qilingan bo‘lsa-da, internet trafikdan foydalanish imkoniyati berilmaydi.
Qo‘shimcha xizmatni o‘chirish yoki rad etish imkoni mavjud emas.
Qo‘mita bu holatni isteʼmolchilar huquqlarining buzilishi deb baholab, “UNITEL” MCHJga quyidagi ko‘rsatmalarni yubordi:
— Kunlik to‘lovni avtomatik yechishni bekor qilish;
— Kunlik xizmatni ixtiyoriy ravishda tanlash imkoniyatini yaratish (masalan, USSD-kod orqali);
— Abonentlarni qarzga tushirishni to‘xtatish;
—Barcha o‘zgarishlar haqida o‘z vaqtida xabardor qilish.