“Real” rahbariyati yozda klubdagi faoliyatini yakunlab, Saudiya Arabistonining “Al-Ittihod” jamoasiga o‘tib ketgan Karim Benzemani yana “Santyago Bernabeu”ga olib kelishni rejalashtirmoqda.
Madridliklar jamoaga mehnati singgan fransiyalik hujumchi uchun xayrlashuv uchrashuvini tashkillashtirishni istayapti. Xayrlashuv o‘yinida “Real” va “Al-Ittihod” jamoalari o‘zaro kuch sinashishi ko‘zda tutilgan. “Qirollik klubi” Karim Benzemaga bo‘lgan hurmatini shu tariqa izhor qilmoqchi.
Fransiyalik forvard “Real” safida 2009-yildan 2023-yilning yozigacha to‘p tepdi. Karim barcha turnirlarda madridliklar uchun 648 ta uchrashuv o‘tkazib, raqiblar darvovasini 354 marotaba ishg'ol qilgan va jamoadoshlariga 165 ta golli pas uzatgan.