Bolgariya “Gazprom” bilan Rossiya gazini yetkazib berishni qayta tiklash bo‘yicha muzokaralarni davom ettirmoqda. Bu haqda “Nova” telekanali xabar berdi.
“Jarayon qanday rivojlanishini bilmaymiz, ammo yetkazib berishni qayta tiklash imkoniyati bor. Bu mavzu to‘liq yopilmagan. Gap bizda mavjud bo‘lgan shartnoma haqida ketmoqda. Shartlar o‘zgargan taqdirda “Bulgargaz” uchun hech qanday xavf-xatar bo‘lmasligiga kafolatlar mavjud ekan, biz sahifani yopmaymiz”, — deyiladi bayonotda.
Aprel oyi oxirida “Gazprom” rublda to‘lov amalga oshirilmagani uchun Bolgariya va Polsha kompaniyalariga gaz yetkazib berishni to‘xtatdi.
31 mart kuni Prezident Vladimir Putin “Chet ellik xaridorlar tomonidan Rossiyadan tabiiy gaz yetkazib beruvchilar oldidagi majburiyatlarni bajarishning alohida tartibi to‘g‘risida”gi farmonni imzoladi. Hujjatga muvofiq, farmonda ko‘rsatilgan xorijiy kontragentlarga 1 apreldan keyin etkazib beriladigan Rossiya gazi uchun to‘lov faqat rublda amalga oshirilishi kerak.