Bolgariya huquq-tartibot xodimlari 80 nafar noqonuniy muhojirni olib ketayotgan yuk mashinasini to‘xtatdi. Qayd etilishicha, mashina mamlakat poytaxti Sofiyadan 8 km uzoqlikda, Frakiya shossesida topilgan.
Hozir politsiya otryadlari voqea joyida qochqinlarning shaxsini aniqlamoqda va qochishga muvaffaq bo‘lgan yuk mashinasi haydovchisini qidirmoqda.
Avvalroq Bolgariya hukumati mamlakat bo‘ylab migratsiya oqimi o‘tgan yilning shu davriga nisbatan qariyb 57 foizga oshgani haqida eʼlon qilgan edi. Avgust oyi o‘rtalarida ham 80 nafar muhojirdan iborat yuk mashinasi topilgan edi. Ularning barchasi Afg‘oniston fuqarolari bo‘lgan.