Boliviyada kichik samolyot halokatga uchragach, Amazon o‘rmonining timsohlar to‘la botqog‘ida 36 soat qolib ketgan besh nafar inson — uchuvchi, uch ayol va bir bola — qutqaruvchilar tomonidan topildi. Bu haqda mamlakat Fuqaro muhofazasi agentligi xabar berdi.
27 yoshli uchuvchi Andres Velarde favqulodda qo‘nishni amalga oshirgan. Biroq samolyot timsohlar uyasi yaqiniga tushgan. Unga ko‘ra, odamlar sudralib yuruvchilardan yoqilg‘i hididan cho‘chigani tufayli omon qolishgan.
Halokatdan so‘ng yo‘lovchilar samolyot tomiga chiqib, taxminan 36 soat davomida timsohlar bilan o‘ralgan botqoqda qolishga majbur bo‘lishgan. Ular faqat yonida bo‘lgan shokolad va manok uni bilan oziqlanishgan.
Mo‘jizaviy tarzda qutqarilgan bu guruh tiriklik uchun kurashning haqiqiy timsoliga aylandi.