Bollivud yulduzi Shohrux Xon Hindiston tarixida birinchi bo‘lib dollar milliarderi maqomiga ega bo‘ldi.
BBC va Hurun India Rich List 2025-ma’lumotlariga ko‘ra, 59 yoshli aktyorning boyligi 1,4 milliard dollarni tashkil etadi. Shu tariqa, u Bollivuddan chiqqan ilk milliarderlardan biriga aylandi.
Reyting tuzuvchilar ta’kidlashicha, Xonning bu yutug‘i Hindiston iqtisodiyotining yangi yo‘nalishlarga — sport, ko‘ngilochar soha va intellektual mulk biznesiga faol kirib borayotganidan dalolat beradi.
Shohrux Xonning asosiy daromad manbalari Red Chillies Entertainment kinokompaniyasi, Knight Rider Sports kriket klubi, shuningdek, reklama shartnomalari va ko‘chmas mulkka kiritilgan investitsiyalardir.
Hurun ro‘yxatida qayd etilishicha, Xonning moliyaviy holati Arnold Shvartsenegger, Rianna, Teylor Svift va Tayger Vuds kabi mashhurlarning daromadlari bilan tenglashmoqda.