Болливуд актёри тарихда биринчи марта миллиардерга айланди
Hurun India Rich List 2025 маълумотига кўра, Шоҳрух Хон Болливуддаги илк миллиардер сифатида қайд этилди.
Болливуд юлдузи Шоҳрух Хон Ҳиндистон тарихида биринчи бўлиб доллар миллиардери мақомига эга бўлди.
BBC ва Hurun India Rich List 2025 маълумотларига кўра, 59 ёшли актёрнинг бойлиги 1,4 миллиард долларни ташкил этади. Шу тариқа, у Болливуддан чиққан илк миллиардерлардан бирига айланди.
Рейтинг тузувчилар таъкидлашича, Хоннинг бу ютуғи Ҳиндистон иқтисодиётининг янги йўналишларга — спорт, кўнгилочар соҳа ва интеллектуал мулк бизнесига фаол кириб бораётганидан далолат беради.
Шоҳрух Хоннинг асосий даромад манбалари Red Chillies Entertainment кинокомпанияси, Knight Rider Sports крикет клуби, шунингдек, реклама шартномалари ва кўчмас мулкка киритилган инвестициялардадир.
Hurun рўйхатида қайд этилишича, Хоннинг молиявий ҳолати Арнольд Шварценеггер, Рианна, Тейлор Свифт ва Тайгер Вудс каби машҳурларнинг даромадлари билан тенглашмоқда.
