Ijtimoiy tarmoqlarda Toshkent viloyatining Bo‘stonliq tumanida Kadastr agentligi xodimi xizmat vazifasini bajarayotgan vaqtda kaltaklangani aks etgan video tarqaldi. Ushbu holat yuzasidan Kadastr agentligi rasmiy maʼlumot berdi.
Aniqlanishicha, yuqorida ko‘rsatilgan manzilda yashovchi fuqaroning qo‘shnisi tomonidan yo‘l berkitilib, devor qurilganligi yuzasidan yo‘llangan murojaatni Kadastr xodimi joyiga chiqib o‘rganish davomida videotasvirdagi holat yuz bergan.
Ayni paytda huquqni muhofaza qilish organlari tomonidan o‘rganish ishlari olib borilyapti. Holatga huquqiy baho berilishi maʼlum qilingan.