Бўстонлиқда фуқаролар кадастр ходимини дўппослашди
Ҳолат юзасидан расмий муносабат билдирилди.
Ижтимоий тармоқларда Тошкент вилоятининг Бўстонлиқ туманида Кадастр агентлиги ходими хизмат вазифасини бажараётган вақтда калтаклангани акс этган видео тарқалди. Ушбу ҳолат юзасидан Кадастр агентлиги расмий маълумот берди.
Аниқланишича, юқорида кўрсатилган манзилда яшовчи фуқаронинг қўшниси томонидан йўл беркитилиб, девор қурилганлиги юзасидан йўлланган мурожаатни Кадастр ходими жойига чиқиб ўрганиш давомида видеотасвирдаги ҳолат юз берган.
Айни пайтда ҳуқуқни муҳофаза қилиш органлари томонидан ўрганиш ишлари олиб бориляпти. Ҳолатга ҳуқуқий баҳо берилиши маълум қилинган.
