2-fevral kuni Yerga Quyoshning plazma to‘lqini yetib keladi. Bu odatdagidan kuchliroq magnit bo‘roniga sabab bo‘ladi. AQSH kosmik ob-havoni prognozlash markazi bu haqda xabar tarqatdi.
Markaz xabariga ko‘ra, Quyosh plazmasi buluti 30 yanvar kuni o‘rta kuchlar portlashi natijasida yuzaga kelgan. Qayd etilishicha, Quyosh portlashi 4 soatdan ko‘p davom etgan va Yer tarafga yo‘nalgan.
Ekspertlar bulut 2 fevral kuni tongda Yerga yetib kelishini aytgan. Ular yaqin ikki kunda magnit bo‘roni o‘rtacha G2 darajadan yuqori bo‘lishidan ogohlantirmoqda.