2 февраль куни Ерга Қуёшнинг плазма тўлқини етиб келади. Бу одатдагидан кучлироқ магнит бўронига сабаб бўлади. АҚШ космик об-ҳавони прогнозлаш маркази бу ҳақда хабар тарқатди.
Марказ хабарига кўра, Қуёш плазмаси булути 30 январь куни ўрта кучлар портлаши натижасида юзага келган. Қайд этилишича, Қуёш портлаши 4 соатдан кўп давом этган ва Ер тарафга йўналган.
Экспертлар булут 2 февраль куни тонгда Ерга етиб келишини айтган. Улар яқин икки кунда магнит бўрони ўртача G2 даражадан юқори бўлишидан огоҳлантирмоқда.