Buxoro viloyatida sof quyma oltin bo‘laklarini muomalaga kiritilishining oldi olindi.
Bosh prokuraturasi huzuridagi Iqtisodiy jinoyatlarga qarshi kurashish departamenti maʼlumotlariga ko‘ra, 3 nafar fuqaro Shofirkon tumanida jami 437,3 gramm bo‘lgan 4 dona sof quyma oltin bo‘laklarini fuqarolarga 7 ming AQSH dollari va 300 mln so‘mga sotgan vaqtida ushlangan.
Hozirda mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.