Ijtimoiy tarmoqlarda Buxoro viloyatining G‘ijduvon tumanida bozor yonib ketgani aytilgan video tarqaldi. Holatga viloyat Favqulodda vaziyatlar boshqarmasi munosabat bildirdi.
7 iyun kuni soat 12:06da G‘ijduvon tuman “Pamo‘za” MFY Yu.Hamadoniy ko‘chasida joylashgan qurilishi tugallanmagan omborxonada yong‘in sodir bo‘lgan. Oqibatda 30 kvadrat metr maydonda qurilish mollari yongan.
FVB xodimlari voqea joyiga soat 12:08da yetib borib, yong‘inni 12:45 da o‘chirishgan. Yong‘indan yon tomonlardagi do‘konlarning 70 kvadrat metr maydoni saqlab qolingan.
Hodisa oqibatida fuqarolarning kuyish tan jarohati va halok bo‘lish holatlari qayd etilmagan.