Chexiyada tadbirkor Rossiyaga qarshi amaldagi sanksiyalarni chetlab o‘tishga uringanlikda ayblanib hibsga olindi. Bu Ukrainaga keng ko‘lamli bosqin boshlanganidan beri mamlakatda qayd etilgan birinchi bunday holat.
Politsiya maʼlumotlariga ko‘ra, tadbirkor Yevropa Ittifoqi sanksiyalari bilan taqiqlangan Rossiyaga hashamatli avtomobillar yetkazib berish bilan shug‘ullangan. U uch yilgacha qamoq yoki jarimaga tortilishi mumkin.
Sudlanuvchi Rossiya Federatsiyasiga lyuks avtomobillarni Belarus orqali yetkazib berishni rejalashtirgan. Biroq bu rejalarning amalga oshirilishiga dastlabki bosqichda Uyushgan jinoyatchilikka qarshi kurashish milliy markazi tomonidan to‘sqinlik qilindi.