Efiopiyaning Tigray mintaqasida dron hujumi oqibatida 17 nafar tinch aholi halok bo‘ldi. Bu haqda Associated Press xabar berdi.
Zarba May Tsebri qishlog‘i yaqinida berilgan. Vafot etganlarning aksariyati mahalliy un tegirmonida ishlagan ayollar bo‘lgan.
Agentlikning yozishicha, hukumat kuchlari isyonchilarni Tigray hududidan siqib chiqarishga urinayotgan bir paytda bunday hujumlar oxirgi paytlarda tez-tez sodir bo‘lmoqda.
Ma'lumot uchun: oxirgi zarba Efiopiya Bosh vaziri Ahmad Abiy AQSH prezidenti Jo Bayden bilan telefon orqali gaplashib, tinch aholiga qarshi hujumlardan qochishga, shuningdek, isyonchilar bilan muloqotga kirishishga vaʼda bergan kuni sodir etilgandi.
Avvalroq Nigerda qurollangan jangarilar 69 kishini o‘ldirgani xabar qilingandi.