Berlinda "Oxirgi avlod" faollari o‘zlarini asfaltga yopishtirib, shahar ko‘chalarini to‘sib qo‘yishdi. Ular hukumatning atrof-muhit muammolariga e’tiborini qaratish maqsadida xuddi shunday to‘siqlardan 30 tasini tashkil qilishgan. Bu haqda "Tvr. by" nashri xabar berdi.
Atrof-muhit jonkuyarlarini asfaltdan ko‘chirib olish uchun 500 nafar politsiya kerak bo‘ldi. Navbatdagi ushbu miting mushtlashuv bilan yakunlandi – haydovchilar ekofaollarni haqoratlashdi, namoyishchilarni asfaltdan "uzib" yo‘l chetiga chiqarishdi.
"Oxirgi avlod" faollari turli yo‘llar – mitinglar va o‘zlarini asfaltga yopishtirish bilan hukumatdan iqlim o‘zgarishiga befarq bo‘lmasliklarini talab qilishlari bilan mashhur.