2025-yil 10-iyul kuni AS Roma klubi rasmiy bayonot bilan Eldor Shomurodovning Istanbul Basaksehir jamoasiga qo‘shilganini e’lon qildi. Kelishuv shartlariga ko‘ra, transferni doimiy shaklga o‘tkazish imkoniyati mavjud.
O‘zbekistonlik hujumchi 2021-yil yozida "Roma"ga qo‘shilgan va klub safida 85 ta o‘yinda maydonga tushib, 13 ta gol urishga muvaffaq bo‘lgan. U jamoa safidagi ilk uchrashuvida, Trabzonsporga qarshi Konferensiyalar ligasi saralash bahsida g‘alaba golini urgan edi. Aynan shu o‘yin “Roma”ning keyinchalik turnir g‘olibiga aylangan safarini boshlab bergan edi.
2023-yil yanvarida Shomurodov Spezia klubiga ijaraga berilgan va mavsumni u yerda yakunlagan. 2023/24-yilgi mavsumda esa u mashhur murabbiy Claudio Ranieri boshqaruvidagi Cagliari safida ham ijarada o‘ynadi.
Endilikda 29 yoshli forvard faoliyatini Turkiya Superligasida davom ettiradi. Bu uning ilk marta turk futboliga qadam qo‘yishi hisoblanadi.