Andijon viloyati Xonobod shahrida elektr energiyasidan noqonuniy foydalanish holati fosh etildi. Bu haqda Prokuratura Departamenti matbuot xizmati xabar berdi.
Qayd etilishicha, Bosh prokuratura huzuridagi Departamentning Xonobod shahar bo‘limi tomonidan "O‘zenergoinspeksiya" viloyat boshqarmasi xodimlari bilan hamkorlikda o‘tkazilgan tezkor tadbirda fuqaro U.X. avtomobillarni yuvish shoxobchasini tashkil etib, umumiy foydalanishdagi elektr tarmog‘iga yashirincha ulanib, jami 126 million so‘mlik elektr energiyasidan noqonuniy foydalanganligi aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.