* Afrika aholisining ¾ qismi savodsiz;
* Bezgak xastaligi bilan og‘riganlarning o‘ndan to‘qqiz nafari afrikalik;
* Afrika odamlar eng kam umr ko‘radigan qitʼa hisoblanadi. Bu yerda erkaklar o‘rtacha 50, ayollar 48 yil umr ko‘radi;
* Afrikada yovvoyi holatda hayot kechiruvchi qabilalarning ayrimlari hanuz olov nimaligini bilmaydi.
Lekin shunday ahvol bo‘lishiga qaramay afrikalik milliarderlar hashamatli hayot kechiradi.
Afrikaning qoloq mamlakatlarida hamma odam ham fuqaro emas: yuz minglab bolalar go‘dakligidayoq vafot etadi. Qabilalarda esa bunday hisobot umuman yuritilmaydi.
Qitʼada 490 million odam qashshoq holatda umrguzaronlik qiladi. Bu Afrika umumiy aholisining 36 foizini tashkil etadi. Ular soni yildan yilga ko‘payib bormoqda.
Keniyada qizlar 14-15 yoshdayoq fohishalik bilan shugullana boshlaydi. Ular tushlik evaziga ham ishlashga tayyor.
Afrika jamiyatining imtiyozli a'zolari esa okean qirg`og`ida hashamatli villalar qurib, o`z farzandlarini eng yaxshi ta'lim muassasalariga yuboradi.
Qit'aning badavlat odamlari
|
1. |
Aliko Dangote |
Nigeriya |
12,1 мlrd.$ |
|
2. |
Nassef Saviris |
Misr |
8,5 мlrd.$ |
|
3. |
Nikki oppenxaymer |
JAR |
8 мlrd.$ |
|
4. |
Iogan Rupert |
JAR |
7,2 мlrd.$ |
|
5. |
Mayk Adenuga |
Nigeriya |
6,3 млрд.$ |
|
6. |
Abdulsamad Rabiu |
Nigeriya |
3,2 мlrd.$ |
|
7. |
Issad Rebrab |
Aljir |
4.8 мlrd.$ |
|
8. |
Naguib Saviris |
Мisr |
3.2 мlrd.$ |
|
9. |
Folorunsho Alakiya |
Nigeriya |
3,2 мlrd.$ |
|
10. |
Patris Motosep |
JAR |
3 мlrd.$ |
|
11. |
Koos Bekker |
JAR |
2.8 мlrd.$ |
|
12. |
Jeykob Zuma |
JAR |
ХХХХ |
|
13. |
Isabel dos Santos |
Аngola |
2.2 мlrd.$ |
Forbes nashri maʼlumotlariga ko‘ra, 61 yoshli Aliko Dangote 2021-yilda Afrikaning eng boy odami hisoblangan.
Shuningdek, u dunyodagi “Eng boy qora tanli fuqaro”maqomini olgan. 2021-yilda Aliko Dangote ketma-ket o‘n marta “Afrikaning eng boy odami” deb topilgan.
U dunyodagi uchinchi yirik shakar zavodiga egalik qiladi. Uning ko‘plab biznes loyihalari Nigeriya fond birjasining bozor kapitallashuvining ¼ qismini tashkil etadi.
A.Dangotening Nigeriya poytaxti Abuja markazida ulkan uyi, tug‘ilgan kuni uchun sotib olingan shaxsiy samolyoti va onasi nomi bilan ataladigan yaxtasi bor.
Nassef Saviris oilasi Misrda eng boy oila sanaladi. U sport kiyimlar ishlab chiqaradigan “Adidas”aksiyalarining qariyb olti foiziga egalik qiladi. Misr sement kompaniyasi aksiyalarining 54 foizi Saviris oilasiga tegishli.
Nikki Oppenxaymer — olmos merosxo‘ri. Uning Janubiy Afrika, Botsvana va Zimbabveda kamida 720 kvadrat kilometr yeri bor.
Iogan Rupert Shvetsariyaning hashamatli buyumlar ishlab chiqaruvchi “Richemont” kompaniyasiga raislik qiladi.
Mayk Adenuga Globasom uyali aloqa tarmog‘i Nigeriyada uchinchi yirik operator bo‘lib, 55 million abonentga ega. Bundan tashqari uning"Conoil Producing" neft qidiruv uskunasi Niger deltasida 6 ta neft blokini boshqaradi.
70 yoshli Folorunsho Alakiyaning firmasi "Sharon moda uyi" nomi bilan mashhur. U 600 million AQSH dollaridan ziyod oilaviy neft biznesi bo‘lgan «FALFA Oil» kompaniyasining bosh direktori. Tadbirkor ayolning qiymati 46 million dollarga teng shaxsiy samolyoti bor. U to‘rt o‘g‘lining har biriga 88 million rubl bo‘lgan bir xil Mersedes-Benz G-Vagon sovg‘a qilgan.
Qit'a milliarderlaridan yana biri Janubiy Afrikaning sobiq prezidenti Jeykob Zuma. Uni Yoqub ismi bilan ham atashadi. U o‘z boyligini korrupsiya vositasida qo‘lga kiritgan. Yoqub Janubiy Afrikani ham boshqargan. Siyosiy faoliyati davomida o‘z qarorgohini qurishga davlat byudjetidan 23 million AQSH dollari sarflagan.
Shaxsiy villasining 10 ta yotoqxonasi, 13 ta hammomi, 9 ta yashash xonasi, suzish havzasi, marmar, mozaika va oltin bilan bezatilgan 11 ta mashina uchun garaji bor. U eng qimmat sanaladigan Lilak ko‘chasida joylashgan. Villa 330 million AQSH dollariga xarid qilingan.
Maʼlumki, o‘sha paytda Zumaning o‘g‘li Duduzane Birlashgan Arab Amirliklarida Burj Xalifa osmono‘par binosidan 18 million dollarga uy sotib olgan. Uy dizaynini mashhur italiyalik meʼmor Jorjio Armani ishlab chiqqan.
Zuma prezidentlikdan ketganidan so‘ng unga nisbatan qurol-yarog‘ yetkazib berish va sotib olish bo‘yicha xalqaro bitimlarda tovlamachilik, poraxo‘rlik hamda pul yuvish kabi qariyb 800 ta holat yuzasidan jinoiy ish qo‘zg‘atilgan. U shunday yo‘l bilan 2 milliarddan ziyod dollar o‘margan.
Rossiya fuqarosi, Angolaning sobiq prezidenti qizi Isabel dos Santos - 48 yoshli tadbirkor ayol. Maʼlumotlarga ko‘ra, u amerikalik qo‘shiqchi Merayya Keri uchun gonorarga million dollar sarflagan. Isabelning kelinlik to‘yi 3,5 million dollarga tushgan.
"Afrika yangilanishi" hisobotiga ko‘ra, qitʼada millionerlar soni yildan-yilga oshib bormoqda. Bu holat qitʼadagi iqtisodiy vaziyatni yaxshi tomonga o‘zgartirishi mumkin. Hisobotda taʼkidlanishicha, nufuzli odamlar nafaqat biznesga, balki xayriya ishlariga ham sarmoya kiritmoqchi. Agar ilgari Afrikaning qashshoqlik va tengsizlik muammolarini hal qilish xomxayolga o‘xshab ko‘ringan bo‘lsa, bugun bu tasavvurlar real imkoniyatga aylanib bormoqda.
Maftuna Rejabboyeva tayyorladi.